The post O Concello activa a nova aplicación electrónica de Xestión Tributaria appeared first on + Modelo Pontevedra.

The post O Concello contrata unha nova aplicación electrónica para axilizar os trámites tributarios municipais appeared first on + Modelo Pontevedra.

A Xunta de Goberno Local vén de aprobar a contratación da renovación dos servidores da base de datos e do subministro dunha cabina de almacenamento por un importe total de 121.000 euros. Trátase de dous contratos que, segundo informou a portavoz do Goberno, Anabel Gulías, están encamiñados a modernizar a administración electrónica. “Queremos darlle prioridade a este tipo de cuestións que, se ben non son demasiado vistosas, son moi necesarias para dar resposta aos procesos e procedementos, e mellorar a calidade do traballo e de atención aos veciños e veciñas do concello” asegurou.

O contrato para a renovación dos servidores da base de datos inclúe o subministro de dous servidores, a instalación da nova versión do sotfware ORACLE e a migración dos datos a este novo entorno. Pola súa banda, o contrato de subminsitro dunha cabina de almacenamento inclúe o subminsitro, instalación, configuración, migración de información e posta a punto dunha cabina que reemplace aos dos sistemas de almacenamento empregados na actualidade.

Ambos contratos un teñen prazo de execución de tres meses cada un e o obxectivo final de embas renovacións é o de aumentar a capacidade, actualización e mellora do rendemento da base de datos do Concello.

Estas actuacións están cofinaciadas a través do Fondo Europeo de Desenvolvemento Rexional (FEDER) no marco da Estratexia de Desenvolvemento Urbano Sostible e Integrado de Pontevedra.

The post O Concello destinará máis de 120.000 euros na modernización da Administración Electrónica appeared first on + Modelo Pontevedra.

A Xunta de Goberno local aprobou hoxe as bases para a contratación dun técnico/técnica en tecnoloxía da información para o Concello de Pontevedra. Da convocatoria sairá unha lista provisoria da praza. A contratación será por 3 anos coa posibilidade dunha prórroga dun ano máis.

A convocatoria, subliñou a portavoz do Goberno local, Carme da Silva, ten como obxectivo “acelerar a posta en marcha da administración electrónica” unha das liñas de actuación incluída na Estratexia de Desenvolvemento Urbano Sostible e Integral (EDUSI) de Pontevedra -Máis modelo Pontevedra- coa que o Concello de Pontevedra acadou os fondos do Fondo Europeo de Desenvolvemento Rexional (FEDER).

A contratación dun técnico cualificada para a implementación da sede electrónica contribuirá a reforzar os servizos dixitais da administración local e acadar os obxectivos previstos no Programa Operativo de Crecemento Sostible FEDER 2014-2020.

As persoas interesadas en optar a praza terán que ter a titulación de Enxeñería de Telecomunicacións ou Enxeñería Informática. Trátase dunha praza do Grupo A-1

O prazo para presentar solicitude para poder concorrer a esta oposición é de 10 días naturais a partir da publicación no Boletín Oficial da Provincia (BOP).

The post Aprobadas as bases para a contratación dun técnico/a para profundar na implantación da administración electrónica appeared first on + Modelo Pontevedra.

A Xunta de Goberno Local aprobou esta mañá a adxudicación á empresa Econocom Servizos S.A. o contrato para a consolidación da infraestrutura de virtualización do Concello de Pontevedra. Trátase da compra de tres novos servidores e dous conmutadores de fibra para substituír tres servidores que teñen máis de 6 anos, e se precisa que dispoñan de máis capacidade.

Algúns dos servizos que se executan sobre estes tres servidores son:

• • Directorio activo do Concello (validación de usuarios e asignación de permisos)
  • Xestor documental (no que se almacena todos os documentos que se xeran coa aplicación de xestión de expedientes)
  • Ferramenta de xestión de expedientes
  • Xestor de correo electrónico corporativo
  • Intranet municipal
  • Proxy para a conexión coa rede SARA (rede interadministrativa)
  • Aplicación de inventario
  • Servidor de DHCP (asignación de enderezos a máquinas que se conectan á rede municipal)
  • Intranet de servizos sociais
    

Estes novos equipamentos dixitais permitirán mellorar as prestacións dos equipos informáticos municipais, facilitando o labor diario dos traballadores públicos e, polo tanto, a atención aos veciños en termos de fiabilidade e rapidez.

A adxudicación foi por 47.483,29 euros e a empresa ten un prazo de execución de 2 meses para a instalación destes equipos.

O Concello asumirá con fondos propios esta contratación, se ben está incluída dentro dos proxectos municipais susceptibles de financiación cos Fondos Europeos de Desenvolvemento Rexional (FEDER), que asumirán o 80% do gasto e o 20% restante correrá a cargo do Concello.

Fondos FEDER

A intervención contribúe a acadar os obxectivos previstos no Programa Operativo de Crecemento Sostible FEDER 2014-2020, e os obxectivos da Estratexia de Desenvolvemento Urbano Sostible e Integrado (EDUSI) Máis modelo Pontevedra, coa que o Concello de Pontevedra acadou os fondos do Fondo Europeo de Desenvolvemento Rexional (FEDER), no tocante ao reforzo das aplicacións dixitais para a administración electrónica.

The post O Concello reforza a administración electrónica dándolle máis capacidade aos equipos informáticos  appeared first on + Modelo Pontevedra.