PROGRAMACIÓN
Plan de Implementación
As actuacións do Plan de implementación da Estratexia DUSI do Concello de Pontevedra contan co apoio financeiro da Unión Europea ao resultar elixida polo Ministerio de Facenda e Administracións Públicas na primeira convocatoria para a selección de Estratexias de Desenvolvemento Urbano Sustentable e Integrado no marco do Programa Operativo Plurirrexional de España (POPE) 2014 – 2020.
O Plan de implementación está integrado por 20 liñas de actuación da Estratexia DUSI Máis Modelo Pontevedra.
Estas liñas de actuación son as seguintes:
A relación de liñas de actuación e obxectivos temáticos e específicos do POPE aparecen reflectidos a continuación:
Obxectivo temático 02
Mellorar o uso e a calidade das TIC e o acceso a estas
Obxectivo específico 2.3.3
Promoción das TIC en estratexias de desenvolvemento urbano integrado a través de actuacións en Administración electrónica local e smart cities
- LA10: ferramentas TIC de apoio á participación, relación e información dos consellos territoriais e sectoriais.
- LA11: potenciación da Administración electrónica de Pontevedra.
- LA12: xestión de servizos públicos accesibles, e información e cooperación co sector privado a través das TIC.
- LA13: aplicacións tecnolóxicas para facilitar o acceso á información e posta en valor, fomento e desenvolvemento do patrimonio natural, histórico-artístico, cultural e outros recursos locais para a cidadanía e os visitantes.
Obxectivo temático 04
Favorecer a transición a unha economía baixa en carbono
Obxectivo específico 4.5.1
Fomento da mobilidade urbana sustentable: transporte urbano limpo, transporte colectivo, conexión urbana-rural, melloras na rede viaria, transporte ciclista, peonalizacións, mobilidade eléctrica e desenvolvemento de sistemas de subministración de enerxías limpas
- LA14: plans parroquiais de adaptación modal de camiños, vías, rúas, pistas e prazas como lugares de coexistencia para a mobilidade (peonil, ciclista e a motor) o que aumentará a comodidade e a seguridade viaria.
- LA15: programa de camiños escolares na coroa periférica de media densidade.
- LA16: rede viaria peonil intraparroquial no continuo de media densidade que rodea a cidade central que una vías e permita a autonomía da poboación infantil, xuvenil e de terceira idade.
- LA17: implantación dun modelo de transporte colectivo a demanda mediante vehículos de baixa capacidade.
Obxectivo específico 4.5.3
Mellora da eficiencia enerxética e aumento de enerxía renovable nas áreas urbanas
- LA20: plan de mellora do comportamento enerxético de instalacións sociais.
Obxectivo temático 06
Protexer o medio e promover a eficiencia de recursos
Obxectivo específico 6.3.4
Protección, fomento e desenvolvemento do patrimonio cultural e natural das áreas urbanas, en particular as de interese turístico
- LA23: restauración paisaxística, medioambiental e patrimonial de lugares de interese turístico, cultural e ambiental en espazos naturais fluviais.
- LA24: recuperación de espazos forestais periurbanos para a priorización do uso cidadán e turístico.
Obxectivo específico 6.5.2
Accións integradas de revitalización de cidades, e de mellora do contorno urbano e o seu medio natural
- LA1: programa para a revitalización e a valorización urbana de núcleos de centralidade de parroquia na coroa periférica da cidade.
- LA2: programa de mellora ambiental e urbana de espazos de barrios periféricos degradados.
Obxectivo temático 09
Promover a inclusión social e loitar contra a pobreza
Obxectivo específico 9.8.2
Rexeneración física, económica e social do contorno en áreas desfavorecidas a través de estratexias urbanas integradas
- LA3: novas infraestruturas sociais mediante a creación de espazos deportivos polivalentes e instalacións para a práctica de deportes tradicionais.
- LA5: acondicionamento e dotación de espazos e equipamentos no edificio social Centro Sur, destinado a colectivos que prestan servizos sociais.
- LA6: implantación dun plan de igualdade.
- LA7: laboratorio da infancia.
- LA28: mercado de novos creadores mediante a rehabilitación de espazos comerciais para contribuír á dinamización comercial da zona monumental.
- LA29: plan de dinamización da praza de abastos como novo espazo lúdico-gastronómico (food lab market).
- LA30: fomento do comercio retallista do conxunto histórico de Pontevedra co obxectivo de mellorar a súa competitividade.
O orzamento do Plan de implementación é de 12.499.992 € e está financiado polo Fondo Europeo de Desenvolvemento Rexional (FEDER) nun 80 %, o que equivale a 9.999.993,60 €. O Concello de Pontevedra financia o 20 % restante, con 2.499.998,40 €.