• O acto comezará ás 17.00 horas
• A obra estará cofinanciada por Fondos Europeos de  Desenvolvemento Rexional (FEDER)

O Concello de Pontevedra inaugurará este domingo, 1 de decembro, a reforma da rúa Gorgullón, cun acto que comezará ás 18.00 horas e no que non faltará música e se encenderá a nova iluminación da rúa. Tamén se poderá ver unha exposición sobre o traballo realizado durante todos estes meses. A rúa Gorgullón foi cofinanciada con Fondos Europeos de Desenvolvemento Rexional (FEDER), e tivo un custe de 1.258.629,17 euros.

O proxecto consistiu en:

• Creación de plataforma única con tránsito restrinxido a veciñanza.
• Peonalízase a rúa do Muíño que salva a pendente con escaleiras.
• O Camiño de Santiago queda sinalado cunha cor e pavimento diferenciados entre calzada e beirarrúas e luces led no chan semellantes ao centro histórico.
• Renovouse o alumeado con farois led.
• Ampliación da rede de auga potábel, completarase o separativo de augas pluviais e fecais e instalarase unha rede eléctrica novas.
• Creación dunha pantalla vexetal con pereiras de flor -Pyrus Celleriana- para agochar as traseiras dos edificios e gañar en calidade urbana. O arborado complétase con Gyngko bilobas na praza da entrada.
• Na nova praza do Gorgullón mellórase a accesibilidade e faise unha nova entrada á senda do Gafos.