PROXECTOS DA EDUSI

Parque Forestal da Fracha

  • Proxecto
  • Multimedia
  • Novas

A Fracha é un monte periurbano do concello de Pontevedra no que se levará un proxecto que permitirá a súa posta en valor, tanto dende o punto de vista ambiental como socioeconómico, converténdose nun lugar de lecer para aqueles que o visiten ao tratarse dun espazo forestal de gran valor ambiental pola súa paisaxe.

Coa actuación deseñada aumentarase a superficie de frondosas autóctonas, evitarase a proliferación de vertedoiros incontrolados e controlarase a invasión de especies invasoras exóticas, conseguindo aumentar a biodiversidade e realizaranse traballos de prevención de incendios forestais.

Ademais promocionarase o uso do monte con actuacións que favorezan o lecer do espazo por parte da cidadanía mediante a creación de áreas recreativas e pistas para a práctica do sendeirismo e bicicleta. Deste xeito aplicamos o concepto de infraestrutura verde no noso concello aumentando a malla verde urbana ao incorporar á mesma un espazo periurbano.

O proxecto desenvolverase en terreos pertencentes as Comunidades de Montes Veciñais de Tomeza, Marcón e Canicouva que teñen cedido máis de 38 hectáreas para este novo parque forestal.

Operación:

Recuperación do espazo forestal periurbano da Fracha para a priorización do uso cidadá e turístico

Liña de actuación do Plan de implementación da estratexia

LA 24: Recuperación de espazos forestais periurbanos para a priorización do uso cidadá e  turístico

Imaxes

Aprobada a cesión de máis de 38 hectáreas para o novo Parque Forestal da Fracha

As comunidades de montes Tomeza, Marcón e Canicouva ceden por 30 anos o espazo no que se acondicionará o parque. O investimento de actuación supera os 600.000 euros e, xunto ao mantemento anual, ascenderá a preto de 2,7 millóns de euros. A obra estará cofinanciada
LER MÁIS